Si te dukem biznes me i madh

[Elis Regina]

Ca menyrash sugjeroni per tu dukur biznes me i madh

 

[rashomon]

Prezenca online është shumë e rëndësishme, sigurohu që të kesh një website që duket profesional. Nëse ke klientë të rëndësishëm dhe të njohur, reklamo punën që ke bërë për ta ose thjesht përmendi.

Mbaje të përditësuar median sociale me përmbajtje serioze dhe që ka lidhje me fushën ku punon. Mos përdor email-e personale si kontakt zyrtar, të tipit gmail ose yahoo, sepse mund të dukesh sikur po punon nga shtëpia. Bizneset serioze kanë emaile të tipit emër.mbiemër@kompania.al. Në përgjithësi përpiqu që kur klientët të të kërkojnë online të dukesh si biznes i madh, duke qenë se ditët e sotme shumica e informacionit kërkohet online.

 

[Drishti]

Jam dakort me @rashomon qe duhet te kujdesesh per menyren si perfaqesohesh, dhe do te shtoja qe te kesh edhe nje logo te mire dhe kartevizita profesionale.

Pervec anes se jashtme, mos harro te jesh ne rregull me cdo dokument dhe kontrate. Nuk eshte profesionale t'i thuash nje klienti per shembull qe s'mund te firmosesh per dicka sepse te mungon nje dokument. Pra sigurohu qe t'i kesh te gjitha ne rregull me ceshtje regjistrimesh apo tatimesh, sado biznes i vogel te jesh.

Ne varesi te llojit te biznesit qe ke, eshte shume e dobishme te kesh certifikime zyrtare apo licensa te njohura.

 

[the Marketing]

Unë do shtoja një kujdes të veçantë për mënyrën se si e paraqet kompaninë tënde, duke filluar që nga gjërat e vogla, si për shembull të shkruarit saktë dhe pa gabime drejtshkrimore dhe duke vazhduar tek të gjitha ato që janë përmendur më sipër, por duke pasur parasysh që çdo gjë që i përcjell klientit të jetë e qartë dhe cilësore.

 

[Anisa]

Të punosh fort, që të mos dukesh, por të bëhesh