Si te besh para nga Youtube

[Drishti]

Meqe palestra qe manaxhoj eshte mbyllur dhe kam pershtypjen qe do te duhet goxha kohe per biznese si i imi te fillojne te funksionojne normalisht, kam menduar te krijoj video te tipit "training tutorials" dhe te hap nje kanal ne Youtube.

Kam degjuar shume njerez qe thone se mund te fitosh shume para ne kete menyre, nese permbajtja qe ofron eshte cilesore. Une kam besim te vlerat e permbajtjes qe do krijoj, po problemi im eshte qe jam shume fillestar ne fushen e teknologjise dhe nuk kam shume informacion rreth menyrave se si funksionon fitimi i parave nga Youtube.

Kam lexuar materiale online qe te informohem, por do te doja te me thonit ndonje keshille nga ju qe mund ta keni provuar si metode, se si mund te maksimizoj fitimet.

 

[alkimisti]

Qe te kesh fitime te konsiderueshme direkt nga Youtube, kerkon kohe derisa te kesh nje numer te madh te subscriberave. Nese do te marresh fitime me shpejt, shiko te reklamosh brande te tjera qe te te paguajne per reklamat. Nuk e di tamam si funksionon ne fushen tuaj, por per shembull mund te lidhesh me kompani qe shesin suplemente vitaminash apo vegla palestre.

Keshtu nuk ke pse pret derisa te kesh qindra mijera subscribers, qe te shohesh fitimet e para. Ose reklamo produkte te tuat qe mund te kesh per te shitur. Normal qe duhet te kesh ndjekes dhe audience te konsiderueshme qe te tjeret te te marrin parasysh per te reklamuar ne kanalin tend, por ne kete menyre te pakten je lidhur direkt me kompanine dhe Youtube nuk te merr nje pjese te pageses.

Kujdesu qe reklama te jete nje pjese e vogel e videos, dhe te duket si nje permendje e rastesishme, jo te jete e gjithe videoja me ne qender reklamen. Ideja eshte qe te jesh sa me i dobishem per ndjekesit dhe sa me pak i bezdisshem me reklama, se perndryshe do te lodhen shpejt.

 

[name of the rose]

Investo te aparatet që do të përdorësh për të krijuar videon. Mund të ofrosh përmbajtje shumë të mirë, por nëse cilësia teknike e videos nuk është në nivelin e duhur, nuk do të kesh numër të madh ndjekësish. Nuk është e thënë të kesh aparate profesionale xhirimi, edhe një smartphone i mirë mjafton. Bëj një kërkim për produktet e ndryshme që ofrohen dhe zgjidh atë që të përshtatet më tepër me buxhetin.

Shumë mirë bën që ke lexuar për metodat e fitimit, por mos harro që të duhen edhe disa aftësi teknike për krijimin e video-ve. Nëse mendon se nuk arrin ta realizosh vetë, kërko ndihmë nga dikush që është marrë me krijimin e videove, ndoshta edhe vetëm për projektet e para sa të mësosh vetë si bëhen. Gjithsesi, ka informacion dhe aplikacione pafund online që të mësosh si t'i bësh. Për fatin tënd të mirë, ka shumë të tjerë jashtë shtetit në fushën tënde nga mund të mësosh dhe të marrësh ide për tutorialet, por nga ana tjetër në Shqipëri nuk ke shumë konkurrencë sepse mesa kam vënë re nuk ka kanale shqiptare youtube për online gym training.

 

[Drishti]

Faleminderit per keshillat. Po per te rritur numrin e audiences cfare keshilloni? Se sic e permendet pa nje numer te mire ndjekesish, nuk mund te fillosh te mendosh per fitimet.

 

[EnoB]

Po per te rritur numrin e audiences cfare keshilloni?

Besoj se duhet të kesh media sociale për promovimin e biznesit. Përdor çdo rrjet social që ke për të promovuar kanalin tënd. Youtube-t i pëlqen kur sjell njerëz nga platforma të tjera. Hap llogari të reja në ato rrjete sociale që të mungojnë.

Nise nga audienca jote ekzistuese, klientët e tu dhe ndjekësit në rrjetet sociale. Nëse ke të tillë, është avantazh shumë i madh. Informoji që ke një mënyrë të re ku të të ndjekin dhe kërkoju që të shpërndajnë videot e tua. Në këtë kohë sidomos, ka shumë njerëz që kanë nevojë të ndjekin video online për të mbajtur trupin në formë.

Ka dhe reklama te paguara, por mendoj qe me mire t'ia nisesh nga audienca qe ke tashme. Ne momentin qe ke mbaruar me rregullimet e pergjithshme te kanalit dhe ke postuar 2-3 video cilesore, fillo ta promovosh dhe mendo per menyra me te avancuara kur te kesh rreth 100-200 subscribers.

 

[dr. dollari]

Une kam nje pyetje, se kete e kam patur gjithmone te paqarte. Sa mund te fitosh me nje audience shqiptare? E percaktoj kete sepse natyrisht nje i huaj nuk merr vesh gje nga video keshtu qe nuk do ta shohe. Nje video e suksesshme le te themi me 70.000 shikime nga shqiperia, kosova, maqedonia... sa leke merr? Di njeri?

 

[alkimisti]

Une kam nje pyetje, se kete e kam patur gjithmone te paqarte. Sa mund te fitosh me nje audience shqiptare? E percaktoj kete sepse natyrisht nje i huaj nuk merr vesh gje nga video keshtu qe nuk do ta shohe. Nje video e suksesshme le te themi me 70.000 shikime nga shqiperia, kosova, maqedonia... sa leke merr? Di njeri?

Veshtire te nxjerresh fitim me audience vetem shqiptare. Une do te keshilloja @Drishti qe t'i krijonte videot anglisht dhe te synonte edhe audience te huaj, sepse vetem me shqiptare, fitimet jane te pakta. Me 10,000 shikime ne dite per shembull, mund te fitosh $14.25 - $23.75 ne dite, gjithmone behet fjale per nje kanal me shikueshmeri te mire. Jane shifra shume te pergjithshme, dhe nuk kam llogaritur as pjesen qe Youtube mban per vete, por ideja eshte qe te duhet audience shume e madhe per te nxjerre fitime vetem nga shikimet.