Organizimi i punonjësve, në bazë të aftësive apo personalitetit?

$hrek

Active member
Më duhet të ndaj punonjësit në grupe të vogla për të punuar me projekte të ndryshme, që do të jenë afatgjata. Kisha ndërmend t'i ndaja duke marrë parasysh se në cilat fusha janë më mirë, në mënyrë që të plotësojnë njëri-tjetrin. Për shembull, kur dikush nuk di diçka, do ta vija në grup me dikë tjetër që ka shumë informacion rreth asaj fushe.

Problemi është që kështu si i kam ndarë, bien së bashku njerëz që e di që nuk përputhen shumë mirë si karaktere. Domethënë kam një grup me persona shumë ekstrovertë që konfliktohen me njëri-tjetrin, dhe një grup tjetër me introvertë, që nuk e di kush do marrë iniciativat. Duke qenë se, siç thashë, projektet janë afatgjata dhe s'mund t'i ndërroj çdo muaj, dua që të marr një vendim të mirë që në fillim.

Si mendoni, ku duhet të bazohem më tepër, te aftësitë apo te personaliteti?
 

rashomon

Well-known member
Normalisht që në bazë të aftësive, nuk po bëni projekte shkolle që t'i ndash sipas personalitetit. Nëse dikush ka probleme me të punuarit me dikë tjetër, sepse ka një karakter të caktuar, atëherë nuk është punonjësi i duhur. Punonjësit duhet të përshtaten me njerëzit me të cilët bashkëpunojnë. Pastaj ti si manaxher (ndoshta nuk është titulli yt, por po e them meqë ti po i ndan në grupe) ke detyrë të organizosh dhe të sheshosh konfliktet nëse ka.
 

stark

Well-known member
Idealja eshte te perputhen edhe si karaktere, por bie dakort me @rashomon qe punonjesit duhet te pershtaten qe te punojne mire me njeri-tjetrin. Dikush qe eshte shume impulsiv duhet te mesoje te jete me bashkepunues, dhe dikush qe eshte shume i qete duhet te mesoje qe t'i degjohet zeri.
 
Top